मनोज ठवकरचा मारहाणीत मृत्यू , ही एक प्रकारे हत्याच - देवेंद्र फडणवीस

नागपूरमध्ये पोलिसांच्या मारहाणीत दिव्यांग मनोज ठवकर यांचा मृत्यू झाल्याप्रकरणी मारहाण करणाऱ्या पोलीस कर्मचाऱ्यांचे तात्काळ निलंबन करण्याची मागणी देवेंद्र फडणवीस यांनी केली आहे. मनोज ठवकर यांच्या कुटुंबियांची फडणवीस यांनी भेट घेतली.            मनोज ठवकर यांच्या कुटुंबियांना मुख्यमंत्री सहायता निधीतून मदत झाली पाहिजे, त्यांच्या पत्नीला नोकरी दिली पाहिजे अशी मागणी फडणवीस यांनी केली आहे. मनोज ठवकर हे कोठडीत नव्हते. ते गुन्हेगार नव्हते. मास्क लावला नाही हा काही मोठा गुन्हा ठरत नाही. पोलिसांच्या मारहाणीत मनोज ठवकर यांचा मृत्यू झाला, ही एक प्रकारे हत्याच असल्याचा आरोप फडणवीस यांनी केला आहे. यावेळी ठवकर कुटुंबांना भाजपकडून 2 लाखांची आर्थिक मदतही देण्यात आली.