शिवशाहीर बाबासाहेब पुरंदरे व राज ठाकरे यांची भेट.

बाबासाहेब पुरंदरे आज १००व्या वर्षात पदार्पण करत आहेत. त्यानिमित्ताने महाराष्ट्र एज्युकेशन सोसायटी आणि इतिहास प्रेमी मंडळातर्फे पुण्यात खास कार्यक्रमाचे आयोजन करण्यात आलं होतं. यात ९९ दिवे प्रज्वलित करण्यात आले होते. या कार्यक्रमाला राज ठाकरेंनी खास उपस्थिती लावली.            या निम्मिताने शिवशाहीर बाबासाहेब पुरंदरे (babasaheb purandare) यांच्या अभिष्टचिंतन कार्यक्रमाचे आयोजन करण्यात आलं आहे. महाराष्ट्र नवनिर्माण सेनेचे अध्यक्ष राज ठाकरे (raj thackeray) यांनीही स्वतः उपस्थित राहत बाबासाहेबांना वाढदिवसाच्या शुभेच्छा दिल्या. तर गुलाबपुष्प व पगडी देऊन त्यांचा सन्मान केला.            राज ठाकरे हे ज्या वेळेस कधी पुण्यात असतात त्या वेळेस राज ठाकरे वेळात वेळ काढून बाबासाहेब पुरंदरे यांची भेट घेत असतात. काही दिवसापूर्वीच त्यांनी त्यांची भेट घेऊन त्यांच्या प्रकृतीची विचारपूसही केली होती. बाबासाहेब पुरंदरे आणि ठाकरे कुटुंबाचे फार जुने ऋणानुबंध आहेत. त्यामुळे पुण्यात जाणे असेल तर राज हे आवर्जुन पर्वती भागात जाऊन बाबासाहेबांची भेट घेतात.