राहुल गांधी हे महाराष्ट्रातील महाविकास आघाडी सरकारच्या कामावर समाधानी ?

एवढ्यात दिल्ली येथे काँग्रेस नेते राहुल गांधी आणि शिवसेना नेते संजय राऊत यांच्या झालेल्या भेटीची चर्चा राजकीय वर्तुळात असताना राऊत यावर आज पुन्हा संजय राऊत यांनी भाष्य केले आहे. त्यांच्या या विधानांचा अर्थ लावायचा झाल्यास शिवसेना आणि काँग्रेसमध्ये महाराष्ट्रात झालेली मैत्री आत येत्या काळात देशपातळीवरही दिसेल असे दिसत आहेत.            शिवसेनेचे नेते संजय राऊत यांनी आज माध्यमांशी बोलताना राहुल गांधी यांच्या भेटीवर भाष्य केले. ते म्हणाले 'राहुल गांधी यांच्या बरोबर माझी सातत्याने चर्चा सुरू आहे. मुख्यमंत्री आणि शिवसेना पक्षप्रमुख उद्धव ठाकरे यांचे काही निरोपही मी त्यांना दिले. राहुल गांधी हे महाराष्ट्रातील महाविकास आघाडी सरकारच्या कामावर समाधानी आहेत. सरकारमधील एकोपा पाहून त्यांनाही आनंद वाटत आहे'.            या प्रसंगी माध्यमांनी सध्या चर्चेत असणाऱ्या फोटो बाबत विचारले असता ते म्हणाले 'महाराष्ट्रात काँग्रेससोबत आम्ही हातात हात घालून काम करत आहोत. आता हा हात खांद्यावर आला आहे. शेवटी एकत्र सरकार चालवताना केवळ पक्ष एकत्र येऊन चालत नाही तर मनेही जुळावी लागतात. आम्ही त्यादिशेनेच पावले टाकत आहोत आणि याचे लोक निश्चितपणे स्वागत करतील.' सध्या राहुल गांधी यांनी संजय राऊत यांच्या खांद्यावर हात ठेवल्याचा फोटो सर्वत्र चर्चेत आहे.