ब्युरो टीम : अहमदनगर जिल्हाधिकारी कार्यालयात लाच लुचपत प्रतिबंधक विभागाने भूसंपादन कार्यालयातील मंगेश ढुमणे या कर्मचाऱ्याला चार हजारांची लाच स्वीकारताना रंगेहात पकडले आहे. आज (४ जुलै) ही कारवाई करण्यात आली आहे.
याबाबत अधिक माहिती अशी की, 'तक्रारदाराने आईच्या नावे घेतलेल्या जमिनीच्या अकृषिक परवानगीकरता ना हरकत प्रमाणपत्रासाठी भुसंपादन विभागात प्रकरण दाखल केले होते. सदरचे ना हरकत प्रमाणपत्र दिल्यानंतर आरोपी ढुमणे याने तीन हजारांची मागणी केली होती. याबाबत तक्रारदाराने लाचलुचपत प्रतिबंधक विभागाकडे तक्रार दाखल केली होती. १ जुलै रोजी केलेल्या लाच मागणीच्या पडताळणीदरम्यान आरोपी ढुमणे याने पंचासमक्ष दोन्ही कामांचे एकत्रित चार हजार मागितले होते. आज, सोमवारी चार हजार रुपये घेताना आरोपी ढुमणेला पकडण्यात आले.
लाचलुुचपत प्रतिबंधक विभागाचे पोलिस उपअधीक्षक हरिष खेडकर, पोलिस निरीक्षक शरद गोर्डे, गहिनीनाथ गमे, पोना. रमेश चौधरी, विजय गंगुल, पोलिस अंमलदार रविंद्र निमसे, मपोना. राधा खेमनर, संध्या म्हस्के, चालक पोलिस हवालदार हरून शेख, राहुल डोळसे यांनी ही कारवाई केली.
टिप्पणी पोस्ट करा