.jpg)
ब्युरो टीम: शिवसेना नेमकी कोणाची यावरुन शिंदे गट आणि उद्धव ठाकरे यांच्यात वाद सुरु झाला आहे. हा वाद आत निवडणूक आयोगाच्या दारात पोहचला असून 8 ऑगस्ट रोजी निवडणूक आयोगात याबाबत सुनावणी होणार आहे. असं असताना माजी गृहराज्यमंत्री आणि शिंदे गटातील आमदार शंभूराज देसाई यांनी उद्धव ठाकरेंवर टीका केलीय.
उद्धव ठाकरेंनी संजय राऊतांची भाषा बोलू नये, असं त्यांनी म्हटलंय. अडीच वर्षात महाविकास आघाडीत आमची कोंडी झाली. उद्धव ठाकरेंबद्दल आदाराची भावना आहे, त्यांनी आम्हाला पालापाचोळा म्हणू नये. आम्ही शिवसेनेसाठी अनेक वर्षे काम केलं. एकनाथ शिंदेनी वेळोवेळी उद्धव ठाकरेंना कल्पना दिली होती. शिवसेनेचे आमदार राष्ट्रवादीवर नाराज असल्याचं वेळोवेळी सांगितलं. पण, याकडं दुर्लक्ष झालं.
सध्या शिवसेना पोखरण्याचं काम सुरूय. बाळासाहेब ठाकरेंची शिवसेना वाचवण्याचं आम्ही काम केलंय. बाळासाहेब ठाकरे राष्ट्रीय आणि युगपुरुष आहेत. बाळासाहेबांना एका कुटुंबापूर्ती मर्यादीत करू नका, असा सल्ला देत ते म्हणाले, बाळासाहेबांवर आणि शिवसेनेवर जेवढा अधिकार ठाकरे परिवाराचा तितकाच प्रत्येक शिवसैनिकाचा आहे, असंही देसाईंनी ठामपणे सांगितलं.
टिप्पणी पोस्ट करा