ब्युरो टीम: अभिनेता मकरंद देशपांडे यांची मुख्य भूमिका असलेला ‘दगडी चाळ’ हा चित्रपट सुपरहिट ठरला होता. त्यानंतर आता लवकरच या चित्रपटाचा दुसरा भाग प्रेक्षकांच्या भेटीला येत आहे. या चित्रपटाची सध्या सोशल मीडियावर तुफान चर्चा पाहायला मिळत आहे. यामुळे या चित्रपटाबद्दल बरीच उत्सुकता पाहायला मिळत आहे. या चित्रपटातील महत्त्वाच्या कलाकारांचे लूक समोर येण्यास सुरुवात झाली आहे. नुकतंच अभिनेत्री पूजा सावंत हिचा दगडी चाळ २ या चित्रपटातील लूक समोर आला आहे.
‘दगडी चाळ २’ ची घोषणा झाल्यापासूनच यात कोणते चेहरे झळकणार? याबाबत सर्वांनाच उत्सुकता लागून राहिली आहे. यानंतर आता हळूहळू हे चेहरे गुलदस्त्याबाहेर येऊ लागले आहे. नुकतंच प्रेक्षकांसमोर कलरफुल सोनल म्हणजेच पूजा सावंतची व्यक्तिरेखा समोर आली आहे. त्याच्याबरोबर सूर्या आणि सोनलच्या तरल प्रेमकहाणीच्या वेलीवर आता अंशुमन नावाचे ‘बटरफ्लाय’ बसल्याचेही दिसत आहे.
‘दगडी चाळ २’मध्ये प्रेक्षकांना सूर्या आणि सोनलचा मुलगाही पाहायला मिळणार आहे. नुकतेच त्याचे पोस्टर प्रदर्शित झाले आहे. या पोस्टरवरुन यात एक कौटुंबिक कहाणी पाहायला मिळणार असे बोललं जात आहे. यातील एका पोस्टरमध्ये सोनल सूर्याला मिठी मारून ‘आय लव्ह यू हबी’ असं म्हणत आहे.
दरम्यान चंद्रकांत कणसे दिग्दर्शित ‘दगडी चाळ २’ येत्या १८ ऑगस्ट रोजी प्रेक्षकांच्या भेटीला येणार आहे. या चित्रपटाची निर्मिती मंगलमूर्ती फिल्म्स आणि संगीता अहिर यांनी केली आहे. या चित्रपटात मकरंद देशपांडे, अंकुश चौधरी आणि पूजा सावंत यांच्या प्रमुख व्यक्तिरेखा पाहायला मिळत आहे. तसेच या चित्रपटात आणखी कोण कलाकार असणार याबद्दल उत्सुकता पाहायला मिळत आहे.
टिप्पणी पोस्ट करा