शिंदे सरकारची निर्णयांची गाडी जोरात सुरु आतापर्यंत केला ३५० पेक्षा जास्त फाईलचा निपटारा.

अखेर आज मंत्रिमंडळाचा विस्तार झाला परंतु मंत्रिमंडळ अस्तित्वात नसताना देखील सरकारने 1 जुलै ते अगदी आतापर्यंत म्हणजे 9 ऑगस्टपर्यंतच्या कालावधीत मुख्यमंत्री एकनाथ शिंदे यांनी 399 फाईल्सचा निपटारा केला आहे. विशेष म्हणजे यात नैसर्गिक आपत्तीमधील मदत, गरजूंना मदत, कृषि विभाग, मंत्रिमंडळासमोर आणावयाचे प्रस्ताव, फाईल्स, विविध नवीन शासकीय नियुक्त्या, सरळ सेवा भरती, वन विभाग, सार्वजनिक आरोग्य, वैद्यकीय शिक्षण अशा विविध विभागाच्या फाईल्सचा समावेश आहे.            मुख्यमंत्र्यांनी आपल्या पहिल्याच बैठकीत विविध विभागांच्या सचिवांना सर्वसामान्यांची तसेच जनहिताची कामे गतिमान रितीने झाली पाहिजेत तसेच लोकांची कामे अडणार नाहीत हे पाहण्याचे निर्देश दिले होते. त्यानुसार जनहितासाठी तत्परतेने निर्णय घेण्यात येत आहेत. यावरून सरकारची निर्णयांची गाडी एकदम जोरात सुरु आहे असे दिसते.