भाजप
प्रदेशाध्यक्ष चंद्रशेखर बावनकुळे यांनी २०२४ च्या लोकसभा निवडणुकीची तयारी सुरु
केली आहे. भाजपनं महाराष्ट्रासाठी मिशन ४५ सुरु केलं आहे. महाराष्ट्रातील
लोकसभेच्या ४८ पैकी ४५ जागांवर भाजप उमेदवाराला विजयी करण्याचा भाजपचा प्रयत्न
आहे. चंद्रशेखर बावनकुळे यांनी बुलढाण्यातील एका कार्यक्रमात २०२४ च्या लोकसभा
निवडणुकीसंदर्भात मोठं भाष्य केलं. २०२४ च्या लोकसभा निवडणुकीत बुलढाण्याचा खासदार
हा कमळावरचा असला पाहिजे, असं बावनकुळे
म्हणाले. बुलढाणा लोकसभा मतदारसंघातून २०१९ च्या निवडणुकीत शिवसेनेचे प्रतापराव
जाधव विजयी झाले होते. प्रतापराव जाधव सध्या शिंदे गटात सहभागी झाले असल्यानं
त्यांची प्रतिक्रिया नेमकी कशी असेल, याकडे लक्ष लागलं आहे.
चंद्रशेखर बावनकुळे काय म्हणाले?
नरेंद्र मोदी यांनी भारताला २०२९ मध्ये
विश्वगुरु बनवण्याचं स्वप्न तयार केलं आहे. आपल्या देशाचे माजी राष्ट्रपती अब्दुल
कलाम २०२० साठी व्हिजन मांडलं होईल. नरेंद्र मोदींनी ते व्हिजन पुढं नेण्याचं
ठरवलं. नरेंद्र मोदी यांनी २०२९ मध्ये भारताला विश्वगुरु करायचं ठरवलं आहे.
नरेंद्र मोदी यांचं स्वप्न पूर्ण करायचं असेल तर आपल्याला त्यांचे हात बळकट करावे
लागतील, असं चंद्रशेखर बावनकुळे
म्हणाले. मोदींचे हात बळकट करण्यासाठी २०२४ च्या लोकसभा निवडणुकीत बुलढाण्याचा
खासदार कमळाचा द्यावा लागेल, असं बावनकुळे
यांनी स्पष्ट केलं.
बुलढाण्यात सध्या प्रतापराव जाधव खासदार
बुलढाणा लोकसभा
मतदारसंघातून गेल्यावेळी शिवसेनेकडून प्रतापराव जाधव यांनी निवडणूक लढवली होती.
प्रतापराव जाधव यांनी राष्ट्रवादी काँग्रेसचे नेते राजेंद्र शिंगणे यांचा पराभव
केला होता. २०१९ च्या लोकसभा निवडणुकीवेळी वंचित बहूजन आघाडीच्या उमेदवारांनी
देखील मोठ्या प्रमाणावर मंत मिळवली होती.
शिंदे गट काय भूमिका
घेणार ?
प्रतापराव जाधव सध्या मुख्यमंत्री एकनाथ
शिंदे यांच्या गटात आहेत. केंद्रातील मोदी सरकार एकनाथ शिंदे समर्थक खासदारांना
केंद्रात दोन मंत्रिपदं देणार असल्याच्या चर्चा सुरु आहेत. बुलढाण्याचे खासदार
प्रतापराव जाधव यांचं नाव त्या चर्चेत आघाडीवर आहे. त्यामुळं शिंदे गट चंद्रशेखर
बावनकुळे यांच्या वक्तव्यावर काय प्रतिक्रिया देणार याकडे लक्ष लागलं आहे.
टिप्पणी पोस्ट करा