अभिनेत्री सई
ताम्हणकर हे नाव जेवढं मराठी मनोरंजन इंडस्ट्रीमध्ये गाजतं आहे, तेवढाच या अभिनेत्रीचा डंका बॉलिवूडमध्येही
आहे. अभिनेत्रीच्या शिरपेचात आणखी एक मानाचा तुरा रोवला गेला आहे. सईने यंदाचा
फिल्मफेअर पुरस्कार जिंकला असून, आयफा
जिंकल्यानंतर आता हा आणखी एक पुरस्कार तिच्या नावावर झाला आहे. अभिनेत्रीला
यावर्षी सर्वोत्कृष्ट सहाय्यक अभिनेत्रीसाठी फिल्मफेअर मिळाला आहे.
कोणत्या सिनेमासाठी मिळाला फिल्मफेअर
सईला यावर्षी मिळालेला सर्वोत्कृष्ट
सहाय्यक अभिनेत्रीचा फिल्मफेअर पुरस्कार 'मिमी' या सिनेमासाठी मिळाला
आहे. मिमीमध्ये सईने साकारलेल्या भूमिकेचं विशेष कौतुक झालं होतं. आता या
भूमिकेसाठी मिळणारे पुरस्कार सईच्या याच कामाची पोचपावती आहेत. तिला हा पुरस्कार 'मिमी' या सिनेमातील 'शमा'च्या
भूमिकेसाठी मिळाला. सईने मिमी या सिनेमात क्रिती सेनॉन अर्थात मिमीच्या
मैत्रिणीची भूमिका साकारली आहे. तिच्यासह पंकज त्रिपाठी यांची देखील या सिनेमात महत्त्वाची भूमिका आहे.
मराठमोळ्या अभिनेत्रीचं बॉलिवूडमध्ये होत
असलेलं कौतुक, सईला मिळालेला हा
पुरस्कार मराठी मनोरंजन विश्वाला सुखावणारा आहे. सर्वच स्तरातून सईचं कौतुक
करणाऱ्या प्रतिक्रिया उमटत आहेत. मराठी मनोरंजन विश्वातील तारेतारकांच्या तर
भरभरून कमेंट्स सईच्या पोस्टवर आल्या आहेत. चाहतेही अभिनेत्रीचं कौतुक करताना थकत
नाही आहेत.
सईच्या ड्रेसचीच होतेय चर्चा
अभिनेत्री सई ताम्हणकर
नेहमीच तिच्या हटके लूकसाठी ओळखली जाते. मराठी अवॉर्ड शो, बॉलिवूडमधील पुरस्कार सोहळे, महाराष्ट्राची हास्यजत्रा, सिनेमांचं प्रमोशन इ. या सर्वांमध्ये सईचे आउटफिट नेहमीच
उठून दिसले आहेत. मग फिल्मफेअर पुरस्कार सोहळ्यासाठी तरी सई कशी मागे राहील.
बॉलिवूडच्या इतर तारेतारकांना मागे टाकेल असाच सईचा आउटफिट होता.
सईच्या या आउटफिटवर कमेंट करताना चाहते थकत
नाही आहेत. 'जाळ', 'क्लासिक', 'जल परी', 'सई आयकॉनिक
ताम्हणकर' अशा विविध कमेंट्स करत
चाहत्यांनी तिचं कौतुक केलं आहे. सईने यावेळी निकिता टंडन या फॅशन डिझायनरचा बॉडी
फिट ड्रेस परिधान केला आहे.
टिप्पणी पोस्ट करा