ब्युरो टीम: टीव्ही मनोरंजन विश्वातील प्रसिद्ध सेलिब्रेटी शहनाज गिल काही दिवसांपासून सोशल मीडियावर चांगलीच व्हायरल होताना दिसत आहे. शहनाजची लोकप्रियता ही दिवसेंदिवस वाढताना दिसतेय. वेगवेगळ्या टीव्ही मालिका, बिग बॉससारखा रियॅलिटी शो यामुळे तिच्या फॅन फॉलोअर्समध्येही तिच्या भूमिकेनं प्रेक्षकांची पसंती तिनं मिळवली आहे. शहनाजची लोकप्रियता एवढी वाढली की ती आता चक्क पाकिस्तानच्या काही न्युज वेबसाईटवर दिसत आहे. त्यामुळे एकीकडे तिच्यावर कौतूकाचा वर्षाव होतोय तर दुसरीकडे तिला नेटकऱ्यांच्या टीकेच्या सामनाही करावा लागत आहे.
केवळ भारतातच नाहीतर जगभरात तिचे चाहते आहेत हे यावरुन दिसून आले आहे. नेटकऱ्यांनी तिचे पाकिस्तानच्या एका वेबसाईटवर आलेले फोटो आणि व्हिडिओ पाहून आश्चर्य व्यक्त केले आहे. असे काय झाले की ती चक्क पाकिस्तानमधील काही मनोरंजन विषयक बातम्या देणाऱ्या वेबसाईटवर तिची झलक पाहिल्यानं अनेकांना धक्का बसला आहे. त्याचं झालं असं की, काही दिवसांपूर्वी शहनाजचा एक व्हिडिओ सोशल मीडियावर व्हायरल झाला होता. त्यामध्ये शहनाज ही पापाराझ्झींना असं सांगत होती की, मला आता फोटोग्राफर्ससाठी हजार रुपये देऊन स्ट्रेटनिंग करुन घ्यावे लागते. तिचा तो अंदाज शेजारच्या देशातही व्हायरल झाला आहे. त्यामुळे तिला वेगवेगळ्या प्रतिक्रियांना सामोरं जावं लागलं आहे.
शहनाजच्या त्या व्हिडिओला पाकिस्तानी अभिनेत्री याशमा गिलनं देखील तिचं कौतूक केलं आहे. बिग बॉसमधून आपल्या अनोख्या अंदाजानं शहनाजनं नेटकऱ्यांचे लक्ष वेधून घेतले होते. तेव्हापासून ती नेहमीच चाहत्यांच्या चर्चेचा विषय राहिली आहे. दोन दिवसांपूर्वी शहनाज तिचा मित्र सिद्धार्थ शुक्लावरुन ट्रोल झाली होती. त्याच्या पहिल्या पुण्यस्मरणाला ती गैरहजर राहिल्यानं नेटकऱ्यांनी तिला धारेवर धरले होते.
-------
टिप्पणी पोस्ट करा