कर्मचारी भविष्य निर्वाह निधी संघटनेने (EPFO) पेन्शनधारकांना सुविधा देण्यासाठी यापूर्वी अनेक नियम बदलले आहेत. पेन्शनधारकाला पेन्शनची स्थिती जाणून घेण्यासाठी पीपीओ (PPO) क्रमांक आवश्यक आहे. ईपीएफओ प्रत्येक पेन्शनधारकाला पीपीओ क्रमांक जारी करतो, कारण त्याशिवाय पेन्शन काढता येत नाही.
नोकरदार वर्गाचे भविष्य सुरक्षित करण्यासाठी EPFO ने 15,000 पेक्षा जास्त पगार घेणाऱ्या कर्मचाऱ्यांना पेन्शन योजनेशी जोडले आहे. यासह, संघटित क्षेत्रात काम करणाऱ्या प्रत्येक व्यक्तीच्या मूळ पगाराच्या 12 टक्के रक्कम दरमहा पीएफ म्हणून कापली जाते. त्याच वेळी, नियोक्ता कंपनी कर्मचार्‍यांना पीएफ म्हणून 12 टक्के हिस्सा देखील देते. एकूण 24 टक्के रक्कम दरमहा EPFO च्या पेन्शन खात्यात जमा केली जाते. ही रक्कम कर्मचाऱ्यांना निवृत्तीच्या वेळी पेन्शन म्हणून मिळते.
सेवानिवृत्तीच्या वेळी, EPFO प्रत्येक कर्मचाऱ्याला 12 अंकी पेन्शन पेमेंट ऑर्डर (PPO) देते. प्रत्येक कर्मचाऱ्यासाठी तो वेगळा असतो. EPFO च्या पेन्शन योजनेत समाविष्ट असलेल्या प्रत्येक सेवानिवृत्त कर्मचाऱ्याला हा क्रमांक उपलब्ध आहे. या पीपीओ क्रमांकाद्वारे निवृत्तीनंतरच्या पेन्शनची स्थिती सहज तपासता येते आणि त्यातील रक्कम काढता येते.
पीपीओचे 12 क्रमांक वेगवेगळ्या ओळख दर्शवतात. यामध्ये पहिले पाच अंक पीपीओ जारी करणाऱ्या प्राधिकरणाचा कोड क्रमांक दर्शवतात. पुढील दोन अंक PPO जारी करण्यात आले त्या वर्षाबद्दल सांगतात. तर, त्यानंतरचे 4 अंक पीपीओची अनुक्रमिक संख्या दर्शवतात आणि त्याचप्रमाणे शेवटचा अंक संगणक तपासणी अंक म्हणून कार्य करतो.
कसा जाणुन घ्याल तुमचा पीपीओ (PPO) क्रमांक
- पीपीओ क्रमांक जाणून घेण्यासाठी सर्वप्रथम EPFO च्या अधिकृत वेबसाइट epfindia.gov.in वर लॉग इन करा.
- पेन्शनर पोर्टलवर क्लिक करा, त्यानंतर वेलकम पेन्शनर पोर्टल टॅब उघडेल.
- वेलकम पेन्शनर पोर्टल टॅबच्या उजव्या बाजूला, आपला पीपीओ क्रमांक जाणून घ्या असे लिहिलेले असेल.
- Know Your PPO नंबर वर क्लिक करून बँक खाते क्रमांक किंवा PF क्रमांक भरा.
- यानंतर तुम्हाला पीपीओ नंबर, मेंबर आयडी आणि पेन्शन स्टेटस मिळेल.
टिप्पणी पोस्ट करा