दूरसंचार क्षेत्रातील दिग्गज भारती एअरटेलने गुरुवारपासून (6 ऑक्टोबर) 8 शहरांमध्ये आपली Airtel 5G Plus सेवा सुरू केली आहे. एअरटेलने एक निवेदन जारी करून ही माहिती दिली आहे. कंपनीने सांगितले की रोलआउट पूर्ण होईपर्यंत ग्राहक त्यांच्या विद्यमान डेटा प्लॅनवरच 5G सेवा मिळेल.
Airtel ने निवेदनात म्हटले आहे की Airtel 5G Plus सेवा दिल्ली, मुंबई, चेन्नई, बेंगळुरू, हैदराबाद, सिलीगुडी, नागपूर आणि वाराणसी या 8 शहरांमध्ये सुरू करण्यात आली आहे. जर तुम्ही या शहरांमध्ये राहत असाल तर तुम्ही Airtel च्या 5G Plus सेवेचा लाभ घेऊ शकता. कंपनीने आपले नेटवर्क तयार करणे आणि रोलआउट पूर्ण करणे सुरू ठेवले आहे. 2023 पर्यंत 5G सेवेचा देशभरात विस्तार केला जाईल, असे कंपनीचे म्हणणे आहे.
कंपनीने म्हटले आहे की ज्या ग्राहकांकडे 5G स्मार्टफोन आहेत ते कंपनीचे रोलआउट पूर्ण होईपर्यंत केवळ त्यांच्या विद्यमान डेटा प्लॅनवर हाय-स्पीड एअरटेल 5G प्लस सेवेचा आनंद घेऊ शकतात. जर तुम्ही या शहरांमध्ये राहत असाल तर तुम्हाला सिम कार्ड बदलण्याची गरज नाही. तुम्हाला फक्त तुमच्या 4G सिमवर 5G सेवा मिळेल, फक्त तुमचा फोन 5G असावा. विद्यमान Airtel 4G सिममध्ये 5G सक्षम करण्यासाठी कोणतेही अतिरिक्त शुल्क आकारले जाणार नाही.
टिप्पणी पोस्ट करा