तिसरे महायुद्ध सुरू, तरी पाश्चात्य देशांना ते मान्य करायचे नाही, फिओना हिल यांचे मत.

 

रशिया आणि युक्रेनमधील युद्ध संपण्याचा कोणताही मार्ग दिसत नाही. रशियाने युक्रेनचा 15 टक्के भाग ताब्यात घेतल्यानंतर हे युद्ध कधी संपणार हे कोणालाच सांगता येत नाही. दरम्यान, अमेरिका युक्रेनला सातत्याने मदत करत आहे. शस्त्राच्या मदतीबरोबरच रशियावरील निर्बंधांसह अनेक निर्णय  युक्रेनसाठी फायदेशीर ठरले आहेत. युद्ध संपण्याचा कोणताही मार्ग दिसतनसल्या मुळे तिसरे महायुद्ध कधीही सुरू होऊ शकते, असे या युद्धाबाबत सातत्याने इशारे दिले जात आहेत. पण आता व्हाईट हाऊसच्या माजी सल्लागाराने इशारा दिला आहे की, तिसरे महायुद्ध सुरू झाले असले तरी पाश्चात्य देशांना ते मान्य करायचे नाही. (world war III)

डोनाल्ड ट्रम्प यांचे सल्लागार हिल यांनी हा दावा केला आहे.  रशिया आणि युक्रेन यांच्यातील तणाव वाढत चालला आहे, परंतु पश्चिम देश अजूनही या बाबतीत संभ्रमात आहेत, फिओना हिल यांचे मत आहे. रशियाने युक्रेनचा काही भाग विलीन करण्याच्या घोषणेने युद्धाचा तणाव वाढला आहे. 

रशियाच्या आण्विक कारवायांवर अमेरिका सतत लक्ष ठेवून असते. दरम्यान, अमेरिकेचे राष्ट्राध्यक्ष बिडेन यांनी पुतीन यांना अणुहल्ल्यामुळे झालेल्या विनाशाबद्दल इशारा दिला आहे. हिल यांनी युद्धापूर्वीच तणाव कसा वाढला होता यावर प्रकाश टाकला. त्यांनी 2014 मध्ये रशियाने क्रिमियाला जोडल्याचा उल्लेख केला, त्यानंतर युक्रेनने आपली शस्त्रे वाढवण्यास सुरुवात केली होती.