लखनौ कोर्टाचे, फसवणूक संदर्भात फ्लिपकार्टच्या अधिकाऱ्यांविरुद्ध एफआयआर नोंदवण्याचे निर्देश

 

लखनौ कोर्टाने फ्लिपकार्टच्या अधिकाऱ्यांविरुद्ध एफआयआर नोंदवण्याचे निर्देश दिले आहेत. मुख्य न्यायदंडाधिकारी रवी कुमार गुप्ता यांनी हे निर्देश वकील अभिमन्यू सिंग यांनी दाखल केलेल्या तक्रारीवर दिले आहे. ऑनलाइन शॉपिंग साइट फ्लिपकार्टने त्यांना ऑगस्ट महिन्यात 17489 रुपये किमतीचे बनावट Apple AirPods Pro (ब्लूटूथ हेडसेट) विकले अशी तक्रार त्यांनी दाखल केली होती.

सिंग यांचे प्रकरण असे आहे की, 10 ऑगस्ट 2022 रोजी त्यांनी फ्लिपकार्टच्या वेबसाइटवर एक आकर्षक जाहिरात पाहून Apple ब्लूटूथ हेडसेटची ऑर्डर दिली होती. या बदल्यात त्यांनी ₹17,489 चे ऑनलाइन पेमेंट केले. त्यानंतर, 12 ऑगस्ट रोजी फ्लिपकार्टच्या डिलिव्हरी पार्टनरने त्यांना त्यांच्या ऑर्डरची पूर्तता केली. तथापि, उत्पादनाच्या पॅकेजिंग मुळे त्यांना या बाबत संशय आला, म्हणून त्यांनी  Apple च्या अधिकृत सेवा केंद्राला भेट दिली, जिथे त्यांना सांगण्यात आले की त्यांना मिळालेले उत्पादन बनावट आहे कारण ते Apple कंपनीने बनवलेले नाही.

या नंतर तक्रारदाराने फ्लिपकार्टच्या ग्राहक कार्यकारी अधिकारीला कॉल केला आणि सांगितले की त्यांना बनावट उत्पादन मिळाले आहे. यामुळे त्यांनी परतावा देण्याची विनंती देखील केली. मात्र, 21 ऑगस्ट रोजी त्यांची परतीची विनंती कंपनीने फेटाळून लावली. त्यानंतर त्यांनी लखनौ पोलिसात एफआयआर नोंदवण्याचा प्रयत्न केला परंतु यश मिळाले नाही. 

त्यांचे सर्व प्रयत्न अयशस्वी झाल्यानंतर, त्यांनी CJM, लखनौच्या न्यायालयासमोर फौजदारी प्रक्रिया संहितेच्या कलम 156(3) अंतर्गत अर्ज केला. ज्यात त्यांनी  फ्लिपकार्ट आणि त्याचे व्यवस्थापकीय संचालक तसेच त्याचे विक्रेते, हायडेटेल रिटेल सेल्स आणि ल्युमिनरी लाईफस्टाइल प्रायव्हेट लिमिटेड यांच्याविरुद्ध फसवणुकीच्या गुन्ह्यासाठी एफआयआर नोंदवण्याची मागणी केली. त्या अर्जाची दखल घेत न्यायालयाने 10 ऑक्टोबर रोजी गोमती नगर विस्तार पोलीस स्टेशन, लखनऊच्या स्टेशन हाऊस ऑफिसर (SHO) यांना तक्रारदाराविरुद्ध फसवणूक केल्याप्रकरणी एफआयआर नोंदवण्याचे निर्देश दिले.