आचार्य चाणक्य यांनी आपल्या नीतिशास्त्रात जीवनातील समस्या आणि त्यांचे निर्मूलन सांगितले आहे. चाणक्याने आपल्या नीतिशास्त्रात लिहिले आहे की, चुकीच्या मार्गाने कमावलेला पैसा माणसाकडे जास्त काळ टिकत नाही. असा पैसा तुमच्याकडे जास्तीत जास्त एक दशक टिकतो. त्यानंतर अशा मालमत्ता नष्ट होतेच. पापकर्म करून किंवा एखाद्याला दुःख देऊन कमावलेला पैसा शापित असतो हा पैसा जिथे जाईल तिथे नासाडीच होते.
चाणक्याने आपल्या नीतीमध्ये एक श्लोक सांगितला आहे, जो चुकीच्या मार्गाने पैसे कमवणाऱ्यांकडे निर्देश करतो. तो श्लोक असा आहे "अन्यायोपार्जितं द्रव्यं दश वर्षाणि तिष्ठति। प्राप्ते एकादशे वर्षे समूलं च विनश्यति।।" या श्लोकाचा अर्थ असा आहे की अन्यायकारक आणि चुकीच्या पद्धतीने कमावलेला पैसा एखाद्या व्यक्तीकडे जास्तीत जास्त 10 वर्षे राहतो. त्यानंतर ही संपत्ती नक्कीच नष्ट होते. तर मग कोणकोणत्या मार्गांनी कमवलेला पैसा एखाद्या व्यक्तीकडे जास्त काळ टिकत नाही हे जाणून घेऊया.
चोरीचा पैसा : चाणक्याने आपल्या नीतिशास्त्रात लिहिले आहे की, जे लोक चोरी करून पैसे कमवण्याचा प्रयत्न करतात, त्यांच्याकडे हे पैसे फार काळ राहत नाहीत. चोरी झाल्यानंतर अर्थातच तुमचे बँक खाते पैशांनी भरले असेल, पण त्यासोबत आलेला शाप एक दिवस तुम्हाला या पैशापासून दूर नेईल. हा शाप तुम्हाच्या कडून पाई-पाईचा हिशोब घेईल.
फसवणूक करून कमावलेला पैसा : फसवणूक करून किंवा खोटे बोलून मिळवलेला पैसाही स्थिर नसतो. अशा प्रकारे कमावलेला पैसा गरजेच्या वेळी कधीच उपयोगी पडत नाही. ज्या घरात हा पैसा जातो, तिथे कधीच आशीर्वाद मिळत नाही. घरातील लोकांचा स्वतः अशा व्यक्तीवर विश्वास नसतो. असे लोक चुकीच्या मार्गाने पैसे कमवूनही आपल्या प्रियजनांची मने जिंकू शकत नाहीत.
शोषण करून कमावलेला पैसा : आचार्य चाणक्य यांच्या मते, इतरांचे शोषण करून कमावलेल्या संपत्तीचा मनुष्याचे काही कल्याण होत नाही किंवा तो पैसा नेहमी माणसाकडे राहत नाही. उद्योजकांनी याची विशेष काळजी घेणे गरजेचे आहे. जास्त पैसे मिळवण्यासाठी कधीही कोणत्याही माणसाचे शोषण करू नका. या पैशाने आलेला शाप तुमची संपूर्ण संपत्ती नष्ट करू शकतो.
टिप्पणी पोस्ट करा