गुजरात विधानसभा निवडणुकीपूर्वी भारतीय जनता पक्षाचे (भाजप) प्रमुख जेपी नड्डा यांनी बुधवारी काँग्रेसवर जोरदार हल्ला चढवला आणि म्हटले की त्यांचे नेते राहुल गांधी गुजरात विरोधी आहेत (Congress leader Rahul Gandhi is anti-Gujarati). नर्मदा नदीच्या पाण्यामुळे स्थानिकांचे होणारे विस्थापन रोखण्यासाठी नर्मदा बचाव आंदोलनाचे नेतृत्व करणाऱ्या कार्यकर्त्या मेधा पाटकर शनिवारी भारत जोडो यात्रेच्या महाराष्ट्र टप्प्यात राहुल गांधी यांच्यासोबत सामील झाल्यामुळे नड्डा यांचे हे वक्तव्य आले आहे.
एएनआयशी बोलताना नड्डा म्हणाले, "गुजरात यावेळी विक्रम मोडेल, असा माझा विश्वास आहे. गुजरातने अनेक क्षेत्रात विकास केला आहे आणि हे विकसित राज्य उदयास आले आहे. त्यामुळेच लोक आम्हाला पुन्हा मतदान करतील. मेधा पाटकर यांनी नेहमीच विकासविरोधी भूमिका घेतली आहे. राहुल गांधी त्यांच्या शेजारी उभे आहेत याचा अर्थ तेही गुजराती विरोधी आहेत."
तुरुंगात असलेले दिल्लीचे मंत्री आणि आम आदमी पक्षाचे (आप) नेते सत्येंद्र जैन यांच्या बाबत झालेल्या वादाबद्दल विचारले असता, भाजपचे प्रमुख म्हणाले, "मनीष सिसोदिया यांना लाज वाटली पाहिजे की आजारपणाच्या नावाखाली सत्येंद्र जैन बलात्कार करणाऱ्याकडून मसाज घेत आहेत. त्यांना जामीन का मिळू शकत नाही? पुरेसे वकील नाहीत का? जैन एका गंभीर प्रकरणासाठी तुरुंगात आहे, त्यामुळे त्याला जामीन मिळणे कठीण होत आहे."
निवडणुकांपूर्वी तिहार तुरुंगातील मंत्री सत्येंद्र जैन यांना त्यांच्या सेलमध्ये तेल मालिश केल्याचे फुटेज समोर आल्यानंतर 'आप'वर टीका होत आहे. गुजरात राज्यातील विधानसभा निवडणुकीसाठी 1 आणि 5 डिसेंबरला मतदान होणार असून, 8 डिसेंबरला मतमोजणी होणार आहे. 2017 च्या गुजरात निवडणुकीत भाजपला एकूण 182 जागांपैकी 99 जागांवर रोखण्यात विरोधी पक्षाला यश आले होते. नरेंद्र मोदी हे गुजरात राज्याचे सर्वाधिक काळ मुख्यमंत्री राहिलेले असुन भाजप पक्ष गेल्या 27 वर्षांपासून येथे सत्तेत आहे.
टिप्पणी पोस्ट करा