महाराष्ट्रातील चंद्रपूर जिल्ह्यात एक मोठी दुर्घटना घडली आहे. बल्लारशाह रेल्वे स्थानकावरील फूट ओव्हर ब्रिजचा काही भाग कोसळला. या अपघातात फूटओव्हर ब्रिजवर उपस्थित असलेले लोक 60 फूट उंचीवरून रुळांवर पडले. या अपघातात 20 जण जखमी झाले असून त्यापैकी 8 जणांची प्रकृती चिंताजनक असल्याचे सांगण्यात येत आहे. बाधित प्रवासी फलाट क्रमांक एक ते फलाट क्रमांक चारवर प्रवास करत होते. अपघातात जखमी झालेल्या प्रवाशांना तातडीने जवळच्या रुग्णालयात दाखल करण्यात आले. घटनेची माहिती मिळताच पोलीस आणि अग्निशमन दलाचे पथक घटनास्थळी दाखल झाले. या अपघातानंतर चेंगराचेंगरी होऊ नये यासाठी पथक तैनात करण्यात आले आहे.
मीडिया रिपोर्ट्सनुसार, प्रवासी काझीपेठ पुणे एक्स्प्रेस पकडण्यासाठी बल्लारशाह रेल्वे स्टेशनच्या प्लॅटफॉर्म क्रमांक एकवरून प्लॅटफॉर्म क्रमांक चारवर जात होते. त्यानंतर अचानक या पुलाचा काही भाग कोसळला. यावेळी पुलावर जवळपास 80 लोक उपस्थित होते असे सांगण्यात येत आहे. या पुलाची उंची सुमारे 60 फूट असल्याचे सांगण्यात येत आहे.
अपघाताची माहिती देताना सीपीआरओ सीआर शिवाजी सुतार यांनी सांगितले की, नागपूर विभागातील बल्हारशाह येथील फूट ओव्हर ब्रिजच्या स्लॅबचा काही भाग आज सायंकाळी ५.१० च्या सुमारास कोसळला. या अपघातात काही प्रवासी जखमी झाले. या सर्वांना प्राथमिक उपचारानंतर सिव्हिल हॉस्पिटलमध्ये पाठवण्यात आले. यात कोणतीही जीवितहानी झालेली नाही ही दिलासादायक बाब आहे.
टिप्पणी पोस्ट करा