.jpeg)
ब्युरो टीम : राज्य निवडणूक आयोगाने ७ हजार ७५१ ग्रामपंचायतींच्या सार्वत्रिक निवडणुकांची घोषणा केली होती. त्यातील काही ठिकाणी सरपंचपदाच्या, तर काही ठिकाणी सदस्यपदाच्या निवडणुका बिनविरोध झाल्या. त्यानुसार आज प्रत्यक्षात ७ हजार १३५ ग्रामपंचायतींसाठी सकाळी ७.३० ते सायंकाळी ५.३० या वेळेत मतदान झाले. या निवडणुकांसाठी प्राथमिक अंदाजानुसार आज सरासरी सुमारे ७६ टक्के मतदान झाले.
आज ठाणे जिल्ह्यात ३५ ग्रामपंचायती, पालघर -६२, रायगड - १९१, रत्नागिरी - १६३, सिंधुदुर्ग - २९१, नाशिक - १८८, धुळे - ११८, जळगाव - १२२, अहमदनगर - १९५, नंदुरबार - ११७, पुणे - १७६, सोलापूर - १६९, सातारा - २५९, सांगली - ४१६, कोल्हापूर - ४२९, औरंगाबाद - २०८, बीड - ६७१, नांदेड - १६०, उस्मानाबाद- १६५, परभणी - ११९, जालना - २५४, लातूर - ३३८, हिंगोली - ६१, अमरावती - २५२, अकोला - २६५, यवतमाळ - ९३, बुलडाणा - २६१, वाशीम - २८०, नागपूर - २३४, वर्धा - १११, चंद्रपूर - ५८, भंडारा - ३०४, गोंदिया - ३४५ तर गडचिरोली जिल्ह्यात २५ ग्रामपंचायतीसाठी मतदान झाले.
दरम्यान, यासर्व ठिकाणी २० डिसेंबर २०२२ रोजी मतमोजणी होईल. यंदा ग्रामपंचायत निवडणुकीत राज्यभरात कोणता पक्ष बाजी मारणार, याची उत्सुकता लागली आहे.
टिप्पणी पोस्ट करा