congress: काँग्रेसचा मुख्यमंत्री पदाचा चेहरा ठरला? दिग्विजय सिंह यांच्या विधानानंतर चर्चेला उधाण!

ब्युरो टीम: यावर्षी मध्यप्रदेशमध्ये विधानभा निवडणूक होणार असून त्यासाठी काँग्रेसचा मुख्यमंत्री पदाचा चेहरा कोण असणार यावर कॉंग्रेसचे  ज्येष्ठ नेते दिग्विजय सिंह यांनी भोपाल मधील कार्यक्रमात विधान केले आहे, की ही निवडणूक काँग्रेस पक्ष पुन्हा एकदा कमलनाथ यांच्या नेतृत्वात लढणार असल्याचं काँग्रेसचे ज्येष्ठ नेते दिग्विजय सिंह यांनी म्हटलं आहे. भोपाळमध्ये आयोजित कार्यक्रमात त्यांनी हे विधान केलं. त्यामुळे आगामी निवडणुकीत कमलनाथ हे पुन्हा काँग्रेसचा मुख्यमंत्री पदाचा चेहरा असतील, अशी चर्चा सध्या राजकीय वर्तुळात रंगू लागली आहे. दरम्यान, काँग्रेसने या निवडणुकीसाठी तयारी सुरू केली असून मध्यप्रदेशमध्ये काँग्रेस विजयी होईल, विश्वासही दिग्विजय सिंह यांनी व्यक्त केला आहे.

वर्षाच्या अखेरीस मध्य प्रदेशात विधानसभेच्या २३० जागांसाठी निवडणूक होणार आहे. २०१८ मध्ये झालेल्या विधानसभा निवडणुकीत काँग्रेसने ११४ जागांवर विजय मिळवला होता. तर भाजपाने १०९ जागा जिंकल्या होत्या. या निवडणुकीत सर्वात मोठा पक्ष ठरलेल्या काँग्रेसने कमलनाथ यांच्या नेतृत्वाखाली सरकारही स्थापन केले. मात्र, मार्च २०२० मध्ये सत्ताधारी पक्षातील आमदारांनी भाजपात प्रवेश केल्याने हे सरकार कोसळले. त्यानंतर भाजपाने शिवराज सिंग चौहान यांच्या नेतृत्वात पुन्हा एकदा सरकार स्थापन केले.