.jpeg)
तरुणाईच्या उत्साहाला उधाण आणणारा प्रेमाचा सप्ताह म्हणजे ‘व्हॅलेंटाइन वीक’. ‘रोझ डे’पासून याची सुरुवात होते. यादिवशी प्रेमाचे प्रतीक म्हणून समजल्या जाणारे गुलाबाचे फूल आपल्या आवडत्या व्यक्तीला दिले जाते. यंदा मात्र गुलाब फुलांची आवक कमी असल्यामुळे ‘रोझ डे’च्या दिवशीच गुलाबाच्या किमती दुपटीने वाढल्या होत्या. सोमवरपर्येंत पंधरा ते वीस रुपयांपर्यंत मिळणाऱ्या गुलाबासाठी मंगळवारी (७ फेब्रुवारी) तब्बल २० ते २५ रुपये मोजावे लागत होते. मात्र, त्यानंतरही गुलाबांच्या फुलांच्या खरेदीला चांगला प्रतिसाद मिळत होता. बाजारात आलेल्या गुलाबाच्या फुलांमधील मोहक आणि ताजे असे गुलाब निवडून आपल्या मनातील प्रेमाची ‘नाजूक’ भावना व्यक्त करण्यासाठी त्याची खरेदी केली जात होती. गुलाबाच्या फुलाच्या किंमती वाढल्यामुळे प्रेमवीरांच्या खिशाला ‘व्हॅलेंटाइन वीक’च्या पहिल्याच दिवशी झळ बसली असली, तरी त्याची पर्वा न करता या सप्ताहातील पहिला दिवस म्हणजेच ‘रोझ डे’ उत्साहात साजरा करण्यात आला.
असे आहे ‘डे टू डे’ सेलिब्रेशन
७ फेब्रुवारी : रोझ डे
८ फेब्रुवारी : प्रपोज डे
९ फेब्रुवारी : चॉकलेट डे
१० फेब्रुवारी : टेडी डे
११ फेब्रुवारी : प्रॉमिस डे
१२ फेब्रुवारी : हग डे
१३ फेब्रुवारी : किस डे
१४ फेब्रुवारी : व्हॅलेंटाइन डे
टिप्पणी पोस्ट करा