ब्युरो टीम : कर्मचारी कपातनंतर आता ट्विटरमध्ये काही बदल केले जात आहेत. त्यातलाच एक मोठा बदल म्हणजे ट्विटरचा लोगो बदलण्यात आला आहे. आता ट्विटरवरून निळा पक्षी गायब झाला आहे, व त्याऐवजी ट्विटरने 'डॉगी' हा आपला नवा लोगो बनवला आहे.
ट्विटरचे मालक इलॉन मस्क यांनीही यासंदर्भात एक ट्विट केले आहे, हा डॉगी ट्विटरचा नवीन लोगो असणार अशी आता सगळीकडे चर्चा सुरू झाली आहे. एलोन मस्क यांनी मंगळवारी रात्री 12.20 च्या सुमारास एक फोटो ट्विट केला. ज्यामध्ये एक कुत्रा गाडीच्या ड्रायव्हिंग सीटवर बसला आहे आणि तो त्याचा परवाना वाहतूक पोलिसांना दाखवत आहे. या परवान्यावर निळ्या पक्ष्याचा फोटो आहे. कुत्रा ट्रॅफिक पोलिसांना सांगत आहे, 'हा जुना फोटो आहे'. मस्कच्या या ट्विटनंतर ट्विटरवर केल्या जात असलेल्या विविध अटकळांना पूर्णविराम मिळाला आणि इलॉन मस्कने लोगो बदलल्याचे स्पष्ट झाले.
टिप्पणी पोस्ट करा