ब्युरो टीम : न्याहारी हे तुमचे दिवस भरातील सर्वांत महत्त्वाचे जेवण आहे. न्याहारी केल्याने शरीरातील चयापचय क्रिया सुरू होते आणि दिवसभर उत्साही राहण्यास मदत होते. न्याहारी घेण्याचे कोणतेही अस्वास्थ्यकर मार्ग तुमच्या आरोग्यावर आणि दिवसभरातील ऊर्जेवर गंभीरपणे परिणाम करू शकतात
न्याहारीच्या संदर्भात खालील चार सामान्य चुका आपण वारंवार करत असतो.
न्याहारीनंतर लगेच अंघोळ करणे
न्याहारीनंतर लगेच अंघोळ केल्याने पचनक्रियेला अडथळा निर्माण होतो. न्याहारीनंतर अंघोळ केल्यावर पाचक अग्नी नष्ट होतो, आयुर्वेदात या पाचक अग्नीला जठाराग्नी म्हणतात. पाचक अग्नी कमी झाल्यामुळे पचन मंदावते आणि अपचनही होऊ शकते.
उशिरा न्याहारी करणे
झोपेतून उठल्यापासून दोन तासांच्या आत न्याहारी केली पाहिजे. शक्यतो, सकाळी ९ च्या आधी न्याहारी करणे श्रेयस्कर. रात्रभर उपवास केल्यामुळे शरीराला पाणी आणि अन्नाची गरज भासते. लवकर न्याहारी केल्याने तुमच्या शरीरावरील ताण कमी होतो. उशिरा न्याहारी केल्याने तुमच्या शरीरावर अधिक दबाव येतो.
रात्रीचे जेवण आणि न्याहारी यामध्ये १२ तासांचे अंतर ठेऊन न्याहारी करावी. सकाळी वर्कआउट करत असाल तर व्यायामापूर्वी काही द्रव, रस, केळी अथवा सफरचंदासारखे फळ खाणे चांगले आहे. शक्यतो तुमच्या व्यायामाच्या ३० मिनिटे आधी हा आहार घ्यावा. केळीमध्ये पचण्यास सोपे कर्बोदके असतात. त्यामुळे तुम्हाला व्यायामासाठी शक्ती मिळते आणि ते स्नायूतील क्रॅम्प कमी होण्यास मदत होते.
न्याहारी पूर्णपणे वगळणे
अनेकांना सकाळी भूक लागत नाही, म्हणून ते न्याहारी करण्याचे पूर्णपणे टाळतात. न्याहारी न केल्याने तुमच्या रक्तातील साखरेच्या पातळीवर परिणाम होऊ शकतो. रक्तातील साखरेची पातळी कमी झाल्यामुळे तुमचा मूड आणि ऊर्जा प्रभावित होऊ शकते.
संशोधनातून असे दिसून आले आहे, की न्याहारी वगळल्याने टाइप-२ मधुमेह, उच्च रक्तदाब, हृदयाशी संबंधित समस्या आणि लठ्ठपणा होऊ शकतो. अभ्यासात असेही दिसून आले आहे, की न्याहारी वगळणाऱ्या व्यक्तीचा 'बीएमआय' वेळेवर नाश्ता करणाऱ्यांपेक्षा जास्त असतो. न्याहारी वगळल्याने तुमच्या शरीरातील चयापचय प्रक्रिया मंदावते.
थोडे खाणे
कामाच्या घाईत आपण खूप कमी खातो. हे तुम्हाला दिवस भरासाठी आवश्यक असलेल्या पोषक तत्त्वांपासून वंचित ठेवू शकते. त्यामुळे तुम्हाला थकवा जाणवू शकतो. तुमच्या न्याहारीमध्ये, प्रथिने आणि सूक्ष्म पोषक घटकांचा समावेश असावा.
न्याहारीमध्ये योग्य पोषक घटक खात असल्याची खात्री करा आणि प्रथिने आणि जीवनसत्त्वे यासाठी दूध, दही, नट, बिया इत्यादींचा समावेश करा. न्याहारी तुमची दिवसभराची मानसिक स्थिती ठरवू शकते.
योग्य न्याहारी तुम्हाला दिवसाचा शेवट योग्य पद्धतीने करण्यास मदत करू शकते. न्याहारीची योग्य सवयीमुळे मधुमेह, हृदयाशी संबंधित समस्या, उच्च रक्तदाब आणि आरोग्याच्या अनेक समस्यांपासून तुम्ही स्वतःला मुक्त ठेवू शकते. यामुळे तुमची एकाग्रता आणि स्मरणशक्ती देखील सुधारू शकते. त्यामुळे, न्याहारी करताना तुम्ही पुरेसे खात आहात याची खात्री करा आणि ते योग्य वेळी खा.
टिप्पणी पोस्ट करा