saif ali khan: ज्युनिअर एनटीआर च्या 'देवरा' मधील सैफ अली खान दिसणार भैराच्या भूमिकेत

 

 

ब्युरो टीम: अभिनेता सैफ अली खान शेवटचा प्रभासच्या आदिपुरुषमध्ये दिसला होता, ज्यामध्ये त्याने लंकेशची भूमिका केली होती. या चित्रपटाला खूप टीकेला सामोरे जावे लागले होते. आता सैफ 'देवरा'मध्ये भैराच्या भूमिकेत दिसणार आहे.

नुकताच सैफ अली खानने त्याचा 53 वा वाढदिवस साजरा केला. यावेळी ‘देवारा’ चित्रपटाच्या निर्मात्यांनी त्याचा फर्स्ट लुक पोस्टर शेअर केला आहे. सैफचा लूकवर चाहते प्रेमाचा वर्षाव करत आहे. सैफने करिअरच्या सुरुवातीला अनेक मल्टीस्टारर चित्रपट केले. यानंतर त्यांनी कॉमेडी चित्रपटांमध्येही प्रयत्न केले.

2000 च्या दशकात त्यांनी अनेक रोमँटिक चित्रपट केले. आता त्याच्या करिअरच्या या टप्प्यात सैफ विलेनच्या भूमिके सोबतच, अनोखा आणि आउट ऑफ द बॉक्स कॅरेक्टर करताना दिसत आहे. देवरामध्येही तो खलनायकाच्या भूमिकेत असणार आहे.

‘देवरा’बद्दल बोलायचे तर हा चित्रपट अनेक अर्थाने खास आहे. एनटीआर आणि सैफ एकत्र काम करण्याची ही पहिलीच वेळ असेल, त्यामुळे जान्हवी कपूर देखील अभिनेत्यासोबत दिसणार आहे. हा चित्रपट एनटीआर आर्ट्स आणि युवा सुधा आर्ट्सच्या बॅनरखाली बनला असून अनिरुद्ध रविचंदर यांनी संगीत दिले आहे. सोशल मीडियावर सैफचे पोस्टर शेअर करताना एनटीआरने लिहिले,’भैरा.. वाढदिवसाच्या शुभेच्छा सैफ सर..’ ‘देवारा’मध्ये प्रकाश राज देखील सहाय्यक भूमिकेत दिसणार आहेत.

हा धमाकेदार चित्रपट वर्षी 5 एप्रिल 2024 रोजी रिलीज होणार आहे. तमिळ, तेलुगू आणि हिंदी या तीन भाषांमध्ये प्रदर्शित होणार आहे. मुख्य अभिनेता म्हणून ज्युनियर एनटीआरचा हा 30 वा चित्रपट आहे.