ब्युरो टीम : आपल्या दमदार अभिनयाने कायम चर्चेत राहणारे अभिनेते रमेश परदेशी उर्फ पिट्याभाई लवकरच नगरसेवक म्हणून कार्यरत होणार असल्याच्या चर्चांना सध्या उधाण आलं आहे. अभिनय सोडून पिट्याभाई राजकारणात का सक्रीय होतायेत?
हा प्रश्न तुम्हाला ही पडला असलेच? तर हे 'नगरसेवक' पद त्यांनी आपल्या आगामी 'सिंगल' या चित्रपटासाठी स्वीकारले आहे. या चित्रपटात 'नगरसेवक राजाभाऊ सूर्यवंशी' ही भूमिका ते साकारणार आहेत. विशेष म्हणजे 'सिंगल' चित्रपटात पुण्यातील विविध राजकीय पक्षांचे विद्यमान नगरसेवक वेगवेगळ्या भूमिकेत दिसणार आहेत. २७ ऑक्टोबरला 'सिंगल' सर्वत्र प्रदर्शित होणार आहे.
रमेश परदेशी या चित्रपटाबद्दल म्हणाले की, सिंगलच्या निमित्ताने मी प्रथमच पडद्यावर एका राजकारणी व्यक्तिमत्वाची भूमिका साकारतोय. राजकारण व समाजकारणाच्या तराजूत जनतेचे हित जपणारा नगरसेवक फार कमी वेळा चित्रपटाच्या कथांमधून प्रेक्षकांच्या भेटीस आलाय. राजाभाऊ सूर्यवंशी या भूमिकेने मला ही वेगळी संधी दिली असून माझी ही भूमिका नक्कीच प्रेक्षकांच्या मनात घर करेल.
टिप्पणी पोस्ट करा