Cricket : भारताला विजयासाठी मिळाला नवीन खेळाडू; दुसऱ्या कसोटी सामन्यात होणार सामावेश

 

ब्युरो टीम :  पहिल्या सामन्यात भारताला लाजीरवणारा पराभव पत्करावा लागला होता. पण आता दुसऱ्या कसोटी सामन्यापूर्वी भारतीय संघासाठी एक आनंदाची बातमी आली आहे. कारण आता दुसऱ्या सामन्यासाठी भारतीय संघात एका मॅचविनर खेळाडूची एंट्री होणार असल्याचे स्पष्ट झाले आहे.

पहिल्या सामन्यात भारताला फलंदाजी आणि गोलंदाजी या दोन्ही आघाड्यांवर लौकिकाला साजेशी कामगिरी करता आली नाही. दक्षिण आफ्रिकेच्या डीन एल्गरने तर भारताच्या गोलंदाजीचा पाचोळा केला. त्याच्या एकट्याच्या दीड शतकाच्या जोरावर दक्षिण आफ्रिकेला ४०० धावांचा पल्ला गाठता आला. दुसरीकडे भारताकडून पहिल्या डावात लोकेश राहुल आणि दुसऱ्या डावात विराट कोहली वगळता एकाही खेळाडूला चांगली फलंदाजी करता आली नाही. त्यामुळे आता दुसऱ्या सामन्यात भारतीय संघात नेमके काय बदल होणार, याची उत्सुकता सर्वांनाच असेल. पण दुसऱ्या कसोटीला सुरुवात होण्यापूर्वीच आता भारतीय संघासाठी एक गुड न्यूज आली आहे. कारण आता भारतीय संघात एका मॅचविनर खेळाडूचा प्रवेश होणार आहे. हा मॅचविनर खेळाडू फलंदाजी आणि गोलंदाजी या दोन्ही विभांगत दमदार कामगिरी करू शकतो. पहिल्या कसोटी सामन्यात या खेळाडूची उणीव भारतीय संघाला भासली होती. पण पहिल्या कसोटीत भारताचा पराभव झाला आणि त्यांना जर मालिकेत बरोबरी करायची असेल तर त्यांना हा सामना जिंकावा लागेल. त्यामुळे आता दुसऱ्या कसोटीसाठी भारतीय संघात एंट्री होणार आहे ती अनुभवी अष्टपैलू खेळाडू रवींद्र जडेजाची. पहिल्या सामन्यापूर्वी जडेजाच्या पाठीत दुखत होते, त्यामुळे त्याला पहिल्य सामन्यात खेळता आले नव्हते. पण आता दुसऱ्या कसोटीपूर्वी तो पूर्णपणे फिट झाल्याचे समोर आले आहे. कारण दुसऱ्या कसोटीसाठी जडेजाने आता सराव सुरु केला आहे. शुक्रवारी जडेजा हा मुकेश कुमारबरोबर सराव करत असल्याचे पाहायला मिळाले. जडेजाने यावेळी बराच काळ गोलंदाजीचा चांगलाच सराव केला. हा सराव करताना तो पूर्णपणे फिट असल्याचे दिसत होते. त्यामुळे आता दुसऱ्या कसोटीत तो खेळणार असल्याचे संकेत मिळाले आहेत. त्यामुळे जडेजच्या कमबॅकचा भारतीय संघाला दुसऱ्या कसोटी सामन्यात किती फायदा होतो, याकडे आता तमाम क्रिकेट विश्वाचे लक्ष लागलेले असेल.

५ वेळा चॅम्पियनसह मोठे रेकॉर्ड; रोहित शर्माचं कर्णधार युग संपलं

पहिल्या कसोटीपूर्वी जडेजा अनफिट ठरला होता, त्यामुळे अश्विनला संधी देण्यात आली होती. पण अश्विन या सामन्यात गोलंदाजी आणि फलंदाजीतही अपयशी ठरला. त्यामुळे आता दुसऱ्या कसोटीत अश्विनच्या जागी जडेजाला संधी मिळू शकते.