ब्युरो टीम : महाराष्ट्राचे माजी मुख्यमंत्री अशोक चव्हाण यांनी सोमवारी काँग्रेसची साथ सोडली होती. त्यानंतर दोन दिवसात ते आपला निर्णय कळवणार होते. परंतु आता आज ते उपमुख्यमंत्री देवेंद्र फडणवीस यांच्या उपस्थितीत भाजपमध्ये प्रवेश करणार आहेत. त्यांच्या प्रवेशाची तयारी भाजपा कार्यालयात पूर्ण झाली आहे.
तत्पुर्वी माध्यमांशी बोलताना अशोक चव्हाण म्हणाले कि "आज मी माझ्या राजकीय आयुष्याची पुन्हा नव्याने सुरूवात करतोय.मी रितसर भापजमध्ये प्रवेश करणार आहे. दुपारी 12 ते 12.30 च्या आसपास देवेंद्र फडणवीस, चंद्रशेखर बावनकुळे आणि आशिष शेलारांच्या उपस्थितीत प्रवेश करणार आहे, मी पक्षप्रवेशासाठी निघालो आहे".
अशोक चव्हाण यांचा आजच दुपारी साडेबारा वाजता भापज प्रदेश पक्ष कार्यालयामध्ये पक्षप्रवेश होणार आहे. उप मुख्यमंत्री देवेंद्र फडणवीस आणि भाजपचे प्रदेशाध्यक्ष चंद्रशेखर बावनकुळे यांच्या उपस्थितीत पक्षप्रवेश होणार आहे. अशोक चव्हाण यांच्यासोबत माजी आमदार अमर राजूरकर हे देखील भाजपमध्ये पक्षप्रवेश करणार आहे असे समजते.
टिप्पणी पोस्ट करा