विक्रम बनकर, अहिल्यानगर : शिर्डी येथे दर्शनासाठी येणाऱ्या भाविकांना एअरगणचा धाक दाखवून लुटणारी टोळी जेरबंद करण्यात अहिल्यानगर येथील स्थानिक गुन्हे शाखेच्या पोलिसांना यश आले आहे. टोळीकडून अहिल्यानगर, घोटी, वैजापूर येथील चार दरोड्याचे गुन्हे उघडकीस आले आहेत. पोलिसांनी सात आरोपींना जेरबंद केले असून त्यांच्याकडून 9 लाख 64 हजार रुपयांचा मुद्देमाल जप्त केला आहे.
पोलिसांनी दिलेल्या माहितीनुसार, 16 फेब्रुवारी 2025 रोजी 6.30 वा.सुमारास फिर्यादी नामे मोहित महेश पाटील ( वय 25, रा.दिंडोली, ता.चौरीयासी, जि.सुरत, गुजरात) हे कारने प्रवास करत असताना अज्ञात आरोपीतांनी इर्टिगा कारने फिर्यादीस अडवत त्यांना गन, गुप्ती व कोयत्याचा धाक दाखवून फिर्यादीकडून सोन्याचे दागीने व मोबाईल असा मुद्देमाल जबरीने चोरून नेला. याबाबत कोपरगाव तालुका पोलीस ठाणे गु.र.नं. 40/2025 बीएनएस कलम 310 (2), 126 (2), 352, 351 आर्म ऍ़क्ट 3/25, 4/25 प्रमाणे दरोडयाचा गुन्हा दाखल होता.
अहिल्यानगर येथील पोलीस अधिक्षक यांनी घडलेल्या दरोडयाच्या गुन्हयांची माहिती प्राप्त होताच स्थानिक गुन्हे शाखेचे पोलिस निरीक्षक दिनेश आहेर यांना गुन्हयाचा समांतर तपास करणेबाबत आदेश दिले. त्यानुषंगाने आहेर यांनी स्थानिक गुन्हे शाखा व तपास पथकातील सपोनि हेमंत थोरात व पोलीस अंमलदार गणेश भिंगारदे, बाळासाहेब नागरगोजे, फुरकान शेख, प्रमोद जाधव, बाळासाहेब गुंजाळ, सागर ससाणे, रमीजराजा आत्तार, रोहित येमुल, भाऊसाहेब काळे, अमोल कोतकर, सुनिल मालणकर, प्रशांत राठोड, मेघराज कोल्हे, उमाकांत गावडे व चंद्रकांत कुसळकर अशाचे पथक तयार करुन गुन्ह्यातील आरोपींचा शोध घेणेबाबत सुचना व मार्गदर्शन करुन पथके रवाना केले.
19 फेब्रुवारी 2025 रोजी पथक कोपरगाव तालुका पोलीस स्टेशन हद्दीमध्ये तांत्रीक विश्लेषणाच्या आधारे आरोपीचा शोध घेत असताना गुप्त बातमीदारामार्फत माहिती मिळाली की, नमूद गुन्हा हा विजय गणपत जाधव ( रा.श्रीरामपूर) याने त्याचे साथीदारासह केला असून ते पांढरे रंगाची इर्टिगा कारमधुन लासलगाव, जि.नाशिक येथून शिर्डीच्या दिशेने येत आहेत.
पथकाने पंचाससमक्ष शिर्डी येथील कारवाडी फाटयाजवळ सापळा रचून बातमीतील वाहनास थांबवून, वाहन चालक व कारमधील इसमांना ताब्यात घेऊन, त्यांना नावे विचारली असता त्यांनी त्यांचे नावे विजय गणपत जाधव (वय 29, रा.गोंधवणी रोड, वॉर्ड नं.1, श्रीरामपूर, अहिल्यानगर ), सिध्दार्थ भाऊसाहेब कदम ( वय 29), राहुल संजय शिंगाडे (वय 35), सागर दिनकर भालेराव (वय 30), समीर रामदास माळी (वय 26) दोन विधीसंघर्षित बालक (सर्व रा.पोहेगाव, ता.कोपरगाव, जि.अहिल्यानगर) असे असल्याचे सांगितले. पंचासमक्ष ताब्यातील आरोपीची अंगझडती घेतली असता त्यांचे ताब्यातून 9,00,000/- रू किं. पांढरे रंगाची इर्टिगा कार (क्रमांक एमएच-41-व्ही-2817) 45,000/- रू किं.त्यात 3 मोबाईल, 11,000/- रू किं.त्यात दोन एअर गण, 3,000/- रू किं.3 लोखंडी कत्ती, 1,000/- रू किं.एअर गण छर्रे असलेली डबी, 4,000/- रू कि.त्यात पिवळया धातुच्या अंगठया व चैन असा एकुण 9,64,000/- रूपये किंमतीचा मुद्देमाल जप्त करण्यात आलेला आहे.
पथकाने ताब्यातील आरोपींना विश्वासात घेऊन गुन्हयाबाबत विचारपूस केली असता त्यांनी त्यांचेकडील जप्त करण्यात आलेल्या हत्याराने चार चाकी गाडीच्या काचा फोडून सदरचा गुन्हा केला असल्याची माहिती दिली. पथकाने आरोपीकडे आणखी कोठे गुन्हे केले आहेत, अगर कसे याबाबत विचारपूस केली असता आरोपींकडून इतर चार दरोडा व जबरी चोरीचे 4 गुन्हे उघडकीस आलेले आहेत.
पोलीस अधीक्षक राकेश ओला, अपर पोलीस अधीक्षक वैभव कलुबर्मे, उपविभागीय पोलीस अधिकारी शिरीष वमने यांच्या मार्गदर्शनाखाली स्थानिक गुन्हे शाखेचे पोलीस अंमलदार यांनी ही कामगिरी केलेली आहे.
पहा व्हिडिओ
टिप्पणी पोस्ट करा